धनुषाको लक्ष्मीनिँया गाउँपालिका–७ भगवतीपुरस्थित नवल मुररकाको जानकी प्लाष्टिक उद्योगमा आगलागी हुँदा १० करोड रुपैयाँ बराबरको क्षति भएको छ । उद्योगमा विद्युत सर्ट भई सोमबार राति आगलागी हुँदा मेसिन, मेटेरियल सामान, केमिकल, कच्चा पदार्थ, काठपात, लत्ताकपडा लगायत अन्नपात जलेर नष्ट भएको प्रहरीले जनाएको छ । आगलागी भएको भन्ने खबर प्राप्त हुनासाथ ईलाका प्रहरी कार्यालय महेन्द्रनगर र प्रहरी चौकी लक्ष्मीनिँयाबाट खटिएको प्रहरीले दमकल र स्थानीय बासिन्दाको सहयोगमा आगलागी पूर्णरुपमा नियन्त्रणमा लिएको छ ।
