भियतनामका अधिकांश किसान लङ्गुर बाँदर संरक्षणमा जुटेको पाइएको छ । भियतनामको तुयन होआ जिल्लाका किसानको एक समूह लोपोन्मुख लङ्गुर बाँदर संरक्षणमा केन्द्रित रहेको हो । हातिन लङ्गुर प्रजातिको सो लोपोन्मुख लङ्गुर बाँदर भियतनाममा मात्र पाइन्छ। औषधिउपचारमा सो बाँदरको मासु प्रयोग हुने हुँदा सिकारीहरुले अवैधरुपमा सो बाँदरको सिकार र तस्करी गर्ने गरेको पाइएको छ । जसका कारण सो बाँदरको संख्या घटेको पाइएको बताइएको छ । सन् २०११ देखि किसान स्वयम सो बाँदरको संरक्षणमा जुटेको दी स्टार न्युजमा खबर छ । सो लङ्गुर बाँदरको अवैध सिकारी र तस्करी रोक्न भियतनामका अधिकांश महिला र पुरुष किसान संरक्षणमा जुटेको बताइएको छ । संरक्षणपछि हाल सो लङ्गुर बाँदरको संख्या बढेको बताइएको छ।