बलिउड जोडी आलिया भट्ट र रणबीर कपूरले छिट्टै विवाह गर्ने भएका छन् । यो वर्ष अर्थात् सन् २०२२ मा नै दुईको विवाह हुने बताइएको छ । दुई जनाले सन् २०२२ को डिसेम्बरमा विवाह गर्न लागेको चर्चा थियो । तर पछिल्लो रिपोर्टअनुसार अब यी दुईले २०२२ अक्टोबरमा नै विवाह गर्नेछन् । तथापि, अहिलेसम्म विवाहको आधिकारिक मिति तय भएको छैन ।
स्रोतलाई उद्धृत गर्दै इ टाइम्सले भनेको छ, ‘जब आलिया र रणबीरको विवाहको कुरा आउँछ, मितिबारे ठ्याक्कै के भइरहेको छ, कसैलाई थाहा छैन । मुम्बईको पाली डाँडामा कृष्णराज भवनको जीर्णोद्धारको कुरा छ – उनीहरू बस्ने भनिएको घर तयार भइसकेको छैन । त्यो घर तयार हुन कम्तीमा पनि १८ महिना लाग्न सक्छ ।’
