टर्की र सिरियाको सीमा क्षेत्रमा सोमबार बिहान गएको भूकम्पमा परि २०,००० भन्दा बढीको ज्यान गुमेको बताइएको छ। ७.८ रेक्टर स्केलको उक्त भूकम्पले टर्की, जोर्डन, लेबनन, सिरिया, इराक, जर्जिया र अर्मेनियामा समेत असर पुर्याएको थियो। भूकम्पले करिब ६ हजार भन्दा बढी भवनहरुमा क्षति पुर्याएकाे आंकलन गरिएको छ।
भूकम्पपछि टर्कीमा आपतकालको घोषणा गरिएको छ भने धेरै क्षति भएका टर्की र सिरियामा द्रुत गतिमा राहत र उद्धारको काम भइरहेको छ तथापि अत्यधिक चिसो भूकम्पबाट बाँचेका हजारौँ जनताका लागि नयाँ चुनौती बनेको छ त्यहाँ खानेकुरा र बासस्थानको चरम अभाव छ।
उद्दारको कार्य सकेर पनि पुनस्थापनाको निम्ति महिनौ लाग्नसक्ने र क्षति भएको संरचना पुन: खडा गर्न वर्षौं लाग्ने विश्लेषकहरु बताउछन ।
