कदम थिएटरले दमक ९ स्थीत पाङ्वाईला हिम्मा नाटक लङ टाईम नो सी मञ्चन गर्ने भएको छ । साहित्यकार नयनराज पाण्डेको कथा महानागरलाई नाट्य रुपान्तरण गरेर बनाईएको नाटक दिपक खरेलले निर्देशन गरेका छन् ।

पछिल्लो समयमा मानिस मानिस बीचको सम्बन्ध कसरी टाढा हुँदै गईरहेको छ भन्ने अवधारणाको कथालाई दमक कै परिवेशमा रुपान्तरण गरेको कुरा कदम थिएटरका उपाध्यक्ष तथा कलाकार चोमु शेर्पा बताउँछिन् ।

दमकमा नियमित रुपमा नाटक मञ्चन गरिरहेको कदम थिएटरले नाटक “लङ टाईम नो सी” फागुन २९ गते सोमबार देखि चैत ६ गते सम्म नियमित रुपमा मञ्चन गर्नेछ ।

नाटकमा अग्रज रंगकर्मी सुवास खरेल, पासाङ चोमु शेर्पा, मनिक शंकर, नबिन रिजाल, रश्मी उप्रेती, शिखर लाम्गादे लगायतका कलाकारहरुको अभिनय छ भने युसन वान्तावा राई र सुजन भण्डारीको प्रत्यक्ष वाद्यवादन रहनेछ।

नाटक हेर्नको निम्ति सहयोग स्वरूप टिकटको मूल्य रु ३००, ५०० र १००० रहनेछ भने संकलन भएको आयको ४० प्रतिसत रगत व्यवस्थापनको निम्ति सहयोगी संस्था युथ फर ब्लड लाइ सहयोग प्रदान गरिनेछ।