काठमाडौं । नेपाल आयल निगमले डिजेल र मट्टीतेलको मूल्य घटाएको छ ।
निगमले मंगलबार राति १२ बजेदेखि लागू हुने गरि डिजेल र मट्टीतेलको मूल्यमा प्रतिलिटर १० रुपैयाँले घटाएको हो। अन्य इन्धनको मूल्य भने यथावत रहेको निगमले जनाएको छ।
अन्तर्राष्ट्रिय बजारमा इन्धनको मूल्य घटेको भन्दै निगमले केही इन्धनको मूल्य समायोजन गरेको हो । अब नेपाली बजारमा डिजेल र मट्टीतेलको मूल्य प्रतिलिटर १५५ रुपैयाँ कायम रहने भएको छ।
