मंसीर २, काठमाडौं । नेकपा एमाले अध्यक्ष केपी शर्मा ओलीले संविधान कार्यान्वयन हुन नदिन विभिन्न प्रयास भईरहेको बताउनुभएको छ ।
उहाँले राष्ट्रिय आवश्यकता, औचित्यका आधारमा देशलाई नोक्सान नहुने गरि संविधान संसोधन गर्न एमाले तयार रहेको धारणा राख्नुभएको छ । एमाले पार्टी स्कुल विभागले ललितपुरमा आयोजना गरेको एक कार्यक्रमलाई सम्बोधन गर्दै ओलीले विकासको कुरा गर्दा हासिमजाकमा उडाउने गरेको बताउनुभयो ।
स्थानीय निकायको चुनाव चाडै गर्नुपर्ने पार्टिको धारणा रहेको स्पष्ट पार्दै पूर्वप्रधानमन्त्री समेत रहेका ओलीले तथा एमालेले संविधान संसोधन गर्न नमानेकाले चुनाव हुन नसकेको हल्ला फिजाउने तयारी भईरहेको बताउनुभयो । नेता ओलीले जनतालाई भ्रममा राख्न बुद्धिजीवीले नै गलत कुराको प्रचारबाजी गरेको टिप्पणी गर्नुभयो ।
अध्यक्ष ओलीले एमाले देश, जनता र राष्ट्रिय एकताको पक्षमा अडिग रहेकाले बाह्य हस्तक्षेप स्वीकार्य नहुने स्पष्ट पार्नुभयो । उहाँले पछिल्लो समय मिसन पत्रकारिताको नाममा पित पत्रकारिता मौलाएको सत्य, तथ्य देशलाई घाटा नहुने विषयबस्तु उठाउन आग्रह गर्नुभएको छ ।
प्रतिक्रिया
सम्बन्धित खवर
