एजेन्सी। बलिउड अभिनेत्री मल्लिका शेरावत आफ्नै अपार्टमेन्टमा लुटिएकी छिन् । पेरिसस्थित आफ्नै अपार्टमेन्ट अगाडि तीन जना नकाबधारी व्यक्तिले मल्लिकामाथि हातपात गर्दै लुटेका हुन् । फ्रान्सको अखबार ’ली पेरिसियन’ले जनाए अनुसार ती नकावधारीहरुले मल्लिका र उनको पुरुष साथीमाथि अश्रु ग्यास समेत प्रहार गरेका थिए ।
गत शुक्रबार राती नौ बजे उनीहरु लुटिएका थिए तर उनको साथबाट के कति सामान वा नगद लुटियो भन्ने खुलाईएको छैन । उसो त यो घटनाको केही हप्ता पहिले रियालिटी स्टार किम कारदाशियन पनि पेरिसस्थित आफू बसेकै होटलमा बन्दुक धारीबाट लुटिएकी थिइन् ।
