काठमाडौं | शुक्रबार मध्यरातबाट सुरु हुने गरि ईन्धनको मूल्य बढेको छ । नेपाल आयल निगमले पेट्रोल, डिजेल, मट्टितेल, खाना पकाउने ग्यास र हवाई इन्धनको मूल्य वृद्धि गरेको हो।
निगमको सञ्चालक समितिको बसेको बैठकले शुक्रबार राति पेट्रोलको मूल्य प्रति लिटर सय रुपैयाँ, डिजेल र मट्टितेल प्रति लिटर ७७ र खाना पकाउने ग्याँसलाई प्रति सिलिण्डर एक हजार तीन सय ५० रुपैयाँ नयाँ मूल्य कायम गरिएको छ। यसैगरी आन्तरिक उडानतर्फको हवाई इन्धनलाई प्रति लिटर ८७ रुपैयाँ र अन्तर्राष्ट्रिय उडानतर्फको हवाई इन्धनतर्फ आठ सय ५० युएस डलर कायम गरिएको निगमका प्रवक्ता वीरेन्द्र गोइतले बताउनुभयो ।
यसअघि पेट्रोलको मूल्यप्रति लिटर ९८ रुपैयाँ, डिजेल र मट्टितेल प्रति लिटर ७४ र खाना पकाउने ग्यासलाई प्रति सिलिण्डर एक हजार तीन सय २५ रुपैयाँ कायम गरिएको थियो।
इण्डियन आयल कर्पोरेशन (आईओसी) ले निगमलाई पठाएको नयाँ मूल्य सूचीअनुसार इन्धनको मूल्य समायोजन गरिएको उनले बताए।
