बसले किच्दा १६ महिने बालकको मृत्यु

पाल्पाको पूर्वखोला गाउँपालिका–६ हेक्लाङ्गमा बसले किच्दा बालकको मृत्यु भएको छ। मृत्यु हुनेमा हेक्लाङ्गका १६ महिनाका बालक अमृत सारु रहेका छन्। खुमडाँडादेखि ताहुँतर्फ आउँदै गरेको लु २ ख २८० नंको बसले किच्दा बालकको मृत्यु भएको हो।

हजुरबुबा बसमा चढ्न खोज्दा पछ्याउँदै गाडीतर्फ आउने क्रममा बालक किचिएको जिल्ला प्रहरी कार्यालयले जनाएको छ।

हजुरबुवाले तरकारी लोड गर्दैगर्दा बसको अर्कोपट्टि ५/६ वर्षका दाइसँग खेल्दै गरेका बालक अगाडि बढ्ने क्रममा दुर्घटना भएको हो। बस चालक सागर दर्जी प्रहरी नियन्त्रणमा रहेका छन्।