दमक÷नेपाल जेसीज २०१७ को अध्यक्षमा झापा,दमकका प्रकाश अधिकारी निर्वाचित भएका छन् । बुधबार साँझ राजधानीमा सम्पन्न मत गणना अनुसार अधिकारीले कुल मतको ६६७ मत प्राप्त गरेका थिए । उनका प्रतिष्पर्धी धरानका विष्णु बराललाई ४५ मतको अन्तरले पछि पार्दै अधिकारी बिजयी भएका हुन् । बरालले कुल मतको ६२२ मत प्राप्त गरेको दमक जेसीजका कोषध्यक्ष चन्द्र खत्रीले जानकारी दिए । अधिकारीले यस अघि दमक जेसीजको अध्यक्ष र नेपाल जेसीजको कार्यकारी उपाध्यक्ष पद सम्हालि सकेका छन् । यस्तै कार्यकारी उपाध्यक्षमा कैलाश श्रेष्ठ बिजयी भएका छन् ।