दमक /युवा रेडक्रस सर्कल दमक बहुमुखी क्याम्पसको आयोजनामा एक दिने डेंगु रोग प्रशिक्षण कार्यक्रम सम्पन्न भएको छ । आफ्नो दोश्रो साधारणसभकको अवसर पारेर सर्कलले डेंगु रोगको लक्षण र यस वारेका जानकारी विषयमा प्रशिक्षण कार्यक्रमको आयोजना गरेको हो । प्रशिक्षण दिदै आम्दा अस्पताल दमकका डाक्टर सौगत पोखरेल र युवराज रायले दमकमा आउदो वर्ष पनि डेंगुको सम्भावन देखिएकाले सबैलाई सचेत गराउन आवस्यक रहेको बताउनुभएको थियो । यसैबीच सर्कलको दोश्रो साधारणसभाले धनबहादुर पाण्डेको सभापतित्वमा ३० सदस्यीय नँया कार्यसमिति गठन गर्दै साधरणसभा सम्पन्न भएको हो । समितिको बरिष्ठ उपसभापतिमा अस्मिता घिमिरे,प्रथम उपसभापतिमा शोभा तिम्सिना ,द्वितीय उपसभापतिमा मदन सापकोटा ,सचिवमा विपना बराल ,सहसचिवमा उत्तम खड्का ,एलिजा खड्का ,एजिना सिटौला र कोषाध्यक्षमा खगेन्द्र निरौँला सर्वसहमतिले चयन भएका छन् । यस्तै उमेश खनालको संयोजकत्वमा छ सदस्यीय सल्लाहकार समिती समेत गठन भएको छ । रेडक्रस उपशाखा दमकका सचिव खड्ग पकुवाल, दमक बहुमुखि क्याम्पसका क्यामपस प्रमुख उत्तम भट्टराई, सर्कलका शिक्षक नायक राधिका सुवेदी, क्याम्पस सञ्चालक समितीका उपाध्यक्ष पशुराम सञ्जेल लगायतले नवगठित कार्यसमितिलाई शुभकामना दिएका थिए । सचिव उत्तम खड्काले स्वागत गरेको कार्यक्रम रेडक्रस उपशाखा दमकका सचिव खड्ग पकुवालको प्रमुख आतिथ्यता तथा सर्कलका सभापति अनिल दुलालको अध्यक्षतामा सम्पन्न भएको थियो ।