पाल्पामा जिप दुर्घटना : चार जनाको अवस्था गम्भीर

बुटवल– पाल्पामा आज दिउँसो जिप दुर्घटना भएको छ । सो दुर्घटनामा चारजना गम्भीर घाइते भएका छन् । तानसेनबाट रामपुरतर्फ आउँदै गरेको लु १ ज १७८५ नम्वरको हुलास जिप रामपुर नजिकै दुर्घटना हँुदा चार जना घाईते भएको पाल्पा प्रहरीले जनाएको छ ।

घाईते हुनेहरुमा चालक २५ वर्षीय दानबहादुर सुर्यवंशी, पूर्वखोलाका २४ वर्षीया मिराकुमारी कानु मगर, रामपुर–२ ६० वर्षीया दिलमाया आले र ६२ वर्षीय बमबहादुर आले रहेका छन् । उनीहरुलाई लुम्बिनी मेडिकल कलेज प्रभास पाल्पामा भर्ना गरिएको प्रहरीले बताएको छ ।

जिपमा सवार एकजना भने सकुशल रहेका छन् । तानसेन बजारमा दशैंको किनमेल सकेर फर्किदै गरेका उनीहरु घर पुग्नु केही समयअघि दुर्घटनामा परेको बताइएको छ । रातो पाटी बाट साभार