काठमाडौं — सामाजिक सञ्जालमा अहिले टाउकै नभएको एक समुद्री जीवको भिडियो भाइरल भइरहेको छ ।
एन्टार्कटिकाको समुद्रमा देखिएको यो जीवको भिडियो सार्वजनिक भएपछि मानिसहरूले यसलाई हेडलेस चिकनफिश नाम दिएका छन् । जीवको रंग र बनावट एकदमै अचम्मलाग्दो भएकाले मानिसलाई विश्वास गर्न नै गाह्रो भइरहेको
छ । यसको शरीरको धेरैजसो भाग पारदर्शी छ ।
जन्तुको सही नाम एनिपनियास्तेस एक्जिमिया हो । यसको शरीरमा टाउको देखिँदैन अनि खुट्टाको सहारामा आफ्नो भोजनलाई शरीरमा भएको चम्चाजस्तो मुखमा हाल्छ ।
आक्रमण गर्ने जन्तुलाई तर्साउनका लागि यसले शरीर फुलाउँछ र बढाउँछ ।
जीवको आकार ११ सेन्टीमिटरदेखि २५ सेन्टीमिटरसम्म छ ।
संसारमा देखिएका जीवहरूमध्ये यो सबभन्दा अनौठो भएको मानिसहरूले टिप्पणी गरेका छन् ।
