दमक/गरे सम्भव छ भन्ने उदाहरण झापाको लखनपुर स्वास्थ्य चौकीले गरेर देखाएको छ । स्वास्थ्य चौकीले आफ्नै पहल र लखनपुर गाबिसको सहयोगमा स्वास्थ्य चौकीमा नै निशुल्क रुपमा महिलाको पाठेघरको मुखको क्यान्सरको परिक्षण गर्न शुरु गरेको छ । शुक्रबार परीक्षणको बिषयमा प्रचारप्रसार र बिपन्न महिलाहरुमा यसको पहुचका लागि लखनपुर १ सिम्लेमा एकदिने स्वास्थ्य परिक्षण गरिएको स्वास्थ्य चौकीका इन्चार्ज रामचन्द्र मिश्रले बताए ।
मिश्रका अनुसार ३० देखि ६० बर्ष उमेर समुहका ४८ जना महिलाहरुको परीक्षण गरिएकोमा ७ जनामा शकाश्पद अवस्था फेला परेकाले बीपि कोइराला स्वास्थ्य बिज्ञान प्रतिष्ठान धरान रेफर गरिएको छ । उनका अनुसार अब प्रत्येक दिन स्वास्थ्य चौकीमा नै यसको परीक्षण ब्यवस्था मिलाईएको र यसका लागि दूइजना स्वास्थ्यकर्मीले तालिम लिएर आइसकेकाछन् ।