काठमाडौं — अस्ट्रेलियामा १०२ वर्षकी एक वृद्धाले युवाले समेत आँट्न हिचकिचाउने काम गरेकी छन् ।
आइरिन ओशिया नामक यी महिलाले १४ हजार फीटको उचाइबाट हाम्फालेर कीर्तिमान बनाएकी छन् । यसो गर्ने उनी सर्वाधिक वृद्ध महिला स्काई डाइभर बनेको बताइएको छ ।
दक्षिण अस्ट्रेलियामा बस्ने आइरिनले २२० किलोमिटर प्रतिघन्टाको गतिमा डाइभ हान्दा सामान्य लागेको बताइन् ।
यसअघि उनले १०० वर्षको जन्मदिन मनाउँदा स्काई डाइभिङ गरेकी थिइन् ।
आयोजकहरूले १०२ वर्ष १९४ दिन पुगेकी महिलाको डाइभ सफल रहेको र उनले इतिहासमा नाम लेखाएको दाबी गरेका छन् ।
