दमक/झापाको दमकमा जिल्ला स्तरको सरकारी अस्पताल आयो भनेर सबैले खुसियाली मनाए । सरकारी दमक अस्पतालमा निशुल्क ओपिडि लगायतका सेवाहरु पनि शुरु भए । तर अहिलेसम्म संस्थागत रुपमा काम हुन सकेन । यसको कारण हो सञ्चालक समितिको अध्यक्ष नियुक्तीको बिषय । यतिखेर स्वास्थ्य मन्त्रालय काँग्रेसको हातमा छ । त्यसमा पनि लोकप्रीय र जनप्रीय मानिएका युवा नेता गगन थापाको नेतृत्व छ त्यो मन्त्रालयमा । यहाँका काँग्रेसका मात्र नभएर सबैको चाहाना थियो दमक अस्पताल अहिलेसम्ममा धेरै प्रगती र उन्नति गरिसकेको हुनेछ । तर अध्यक्षको नियुक्तिको बिषयले यहाँ भित्र नै रडाको जन्मायो । काँग्रेस दमक नगरकमिटिका एक पदाधिकारीका अनुसार नेतृत्वले विवेश नपुर्याउदा दमक अस्पताललाइ मात्र होइन काँग्रेसलाई नै हानी पुर्याएको छ । दमक कै इश्वर कार्की मन्त्रालयबाट अध्यक्षमा नियुक्त भए तर उनले काम गर्न पाएनन् र पाएका छैनन् । श्रोतका अनुसार पार्टी जिल्ला कमिटीले कार्कीलाइ सिफारीस गर्यो र आखिरमा त्यो अनुमोदन भयो । यसले काँग्रेस दमकमा ठूलो तरङ्ग ल्यायो । यहाबाट जीबन शिवाकोटीलाइ सिफारीस गरिएको एक काँग्रेस नेताको भनाइ छ । शुरुमा त धेरैको नाम चर्चामा आयो । त्यसमा नै सत्यनारायण चौधरी पनि नाम जोडतोड नै आयो । तर शिवाकोटी क्षेत्रको सिफारीसमा र जिल्लाको सिफारीसमा कार्की परे । कार्की नियुक्त भए तर उक्त निर्णय अहिले निल्नु न ओकल्नु भएको पाइएको छ । कार्कीको निर्णयले दमक नगरकमिटी र क्षेत्रिय पार्टी कमिटि आफ्नो जन बर्गिय संगठनसंग झुकेको प्रमाण सवाल नेपालले फेला पारेको छ । तरुण दल नगर कमिटिले पार्टी कार्यालयमा कार्कीको निर्णय बिरुद्ध ताल्चा लगाएपछि उक्त निर्णय लागु हुन नदिने र बदर गराउने बिषयमा लिखित सहमति भएको छ । एक काँग्रेस जिल्ला नेताले यो कसरी बितण्डा मच्चाइयो र मच्चियो भन्ने बुझ्न नसकिएको बताए । पुच्छरले टाउको हल्लाउने की टाउकोले पुच्छर हल्लाउने जस्तो भएको उनको भनाइ रहेको छ । तर तरुण दलका एक नेताले भने पार्टीले गरेको गल्तिलाई स्वीकार गर्न नसकिएको जनाए । पार्टीले गल्ति गर्ने र सचेत युवाको संगठन तरुण दलले सहेर बस्ने अवस्था अब नरहेको उनले चेतावनी पनि दिए । दमकबासीहरुको मात्र नभएर आसपासका बासिन्दाहरुको भने माग फरक छ । अध्यक्ष जो आओस मतलव छैन दमक अस्पतालबाट छिटो राम्रो सुबिधा पाइयोस । गुणस्तरिय सेवा पाइयोस् । अध्यक्ष चाडो आओस र नीतिगत कामहरु शुरु गरोस् । दमक अस्पताललाई पुर्वको नमुना अस्पताल बनाओस् । सरकारी दमक अस्पतालमा बितण्डा नहोस् र अस्पताल जस्तो क्षेत्रमा राजनीति नहोस् ।