काठमाडौ। नेपाली कांग्रेसका बरिष्ठ नेता रामचन्द्र पौडेलले स्थानीय तहको निर्वाचनमा मतदान गरेका छन् । पौडेलले तनहुँको सत्यवत्ति केन्द्रबाट आइतबार बिहान ७ बजे मतदान गरेका हुन् । मतदानका लागि पौडेल सपरिवार शनिवार नै त्यसतर्फ गएका थिए।
तनहुँ नेपाली काँग्रेसको गढको रुपमा परिचित छ। संविधानसभाको चुनावमा तनहुँका ३ वटै निर्वाचन क्षेत्र काँग्रेसले जितेको थियो। स्थानिय चुनाव पनि काँग्रेसको वलियो पकड हुने पौडेलले प्रतिक्रिया दिएका छन्।
२० बर्षपछि हुन लागेको स्थानिय तहको चुनावले सिंहदरवारको धेरै अधिकार गाउँतहसम्म आउने भएकोले यो चुनावले स्थानिय तहलाई र नागरिकलाई सशक्त बनाउने पौडेलले प्रतिक्रिया दिए। उनले सबै मतदातालाई आफ्नो अधिकार उपयोग गर्न पनि आग्रह गरेका छन्।
