आइतबार भएको स्थानीय तहको निर्वाचनको मत गणना अहिले जारी छ। जारी मत गणनामा कांग्रेस र एमालेबीच तीव्र प्रतिष्पर्धा भइरहेको छ।
अहिलेसम्म मत गणना भइरहेका महानगर र नगरपालिकामध्ये कांग्रेसले ललितपुर महानगरमा अग्रता कायमै राखेको छ भने दोलखाको जिरी, जुम्लाको चन्दनाथ, रुकुमको मुसिकोट नगरपालिकामा पनि कांग्रेसका उम्मेदवारले अग्रता लिएका छन्। त्यस्तै काठमाडौंका कागेश्वरी र चन्द्रागिरी नगरपालिकामा कांग्रेसका उम्मेदवार अगाडि छन्।
त्यस्तै गोरखा नगरपालिकामा पनि कांग्रेस उम्मेदवार अग्रस्थानमा छन्। नवलपरासीको देवचुली नगरपालिकामा पनि कांग्रेसका उम्मेदवारले प्रारम्भिक अग्रता लिएका छन्।
