लायन्स क्लब अफ दमक ग्रिन सिटीको अध्यक्षमा लायन सुनिल शाह चयन भएका छन् । भर्चुअल माध्यमबाट भएको साधारणसभाबाट शाह अध्यक्षमा चयन भएका हुन् । यस्तै प्रथम, द्धीतीय र तृतीय उपाध्यक्षमा क्रमश तारकेश्वर यादव, डा. गुरुप्रसाद मैनाली र राकेश शाह चयन भएका छन् । सचिवमा पेमा योञ्जन र कोषाध्यक्षमा नबनित झा चयन भएका छन् भने क्लबको क्लब मेम्बरसिप चेयरपर्सनमा प्रदिप कुमार प्याकुरेल चयन भएका छन् । यसैगरि क्लबले क्लब सर्भिस चेयरपर्सनको जिम्मेबारी डा.मनोज कुमार शाहलाई सुम्पेको छ भने क्लबको एलसिआईएफ कोअर्डिनेटरमा सुमन निरौलालाई चयन गरेको छ । यसैगरि क्लब मार्केटिङ र सञ्चार प्रमुखको जिम्मेबारीमा सञ्चारकर्मी सुदिप अधिकारीलाई चयन गरेको छ । क्लबले बिभिन्न समयमा बिभिन्न क्षेत्रमा पुगेर सामाजिक कामहरु गर्दै आएको छ । झापाको दक्षिणी क्षेत्रदेखी मोरङका बिभिन्न क्षेत्रका विद्यालयमा केहि अघि क्लबले बिद्यार्थीहरुलाई निशुल्क रुपमा पाठ्य सामाग्री बितरण गरेको थियो । यसैगरि क्लबले समस्यामा परेकाहरुलाई निरन्तर सहयोग समेत गर्दै आएको छ । लायन्स क्लब अफ दमक ग्रिनसिटीका नबनिर्वाचित अध्यक्ष सुनिल शाहले यो कोभिडको महामारीका बिचपनि आफुहरु सुरक्षित भएर अरुलाई सहयोग पुर्याईरहेको बताएका छन् । यस्तै उनले आफ्नो कार्यकाल भरीमा बिभिन्न उदाहरणीय काम गर्ने समेत बताए ।