बैंक अफ काठमाण्डू लिमिटेड र द सुशी बार मल्टि–फ्युजन कजिनबीच सेवामा छुटसम्बन्धी सम्झौता भएको छ।  बैंकको डेबिट कार्ड, क्रेडिट कार्ड तथा मोबाइल बैंकिङबाट क्यूआर कोड स्क्यान गरी भुक्तानी गर्दा बैंकको ग्राहकहरुलाई १० प्रतिशत छुट उपलब्ध गराउने सम्झौता भएको हो।  सम्झौतापश्चात् ग्राहकहरुले द सुशीमा उपलब्ध हुने सम्पूर्ण सेवाहरुमा एकमष्ुठ १० प्रतिशत छुट पाउनेछन्।  उक्त छुटको उपयोग गर्नको लागि ग्राहकहरुले बैंकको कार्ड तथा मोबाइल बैंकिङ्गको प्रयोग गरी भुक्तानी गर्नुपर्नेछ। द सुशी बार मल्टि–फ्युजक कजिनले काठमाडौंस्थित छायाँ सेन्टर, ठमेलबाट सेवाग्राहीहरुलाई गुणस्तरीय सेवा तथा सुविधाहरु प्रदान गर्दै आइरहेको छ। बैंक अफ काठमाण्डू लिमिटेडले ९४ शाखा कार्यालयहरु, ८४ एटीएम र १० एक्स्टेन्सन काउन्टरबाट आफ्ना ग्राहकहरुलाई उत्कृष्ट बैंकिङ्ग सुविधा प्रदान गर्दै आइरहेको छ।