केहि समय अघि राप्रपामा केन्द्रिय सदस्य निर्वाचित भएका दमकका प्रविण चाम्लिङ राप्रपाबाट फुटेको राप्रपा प्रजातन्त्रिकमा गएकाछन् । पशुपति शम्शेर जबराले नयाँ पार्टी दर्ताको क्रममा बुझाएको नाम सहितको हस्ताक्षरमा उनि पनि रहेको पाईएको हो ।
कमल थापा नेतृत्वको राप्रपाबाट अलग भएर नयाँ पार्टी खोलेका पशुपति शम्शेर राणाले झण्डै पाँच दर्जन नेताको हस्ताक्षर सहितको नामावली निर्वाचन आयोगमा बुझाएका छन् । नयाँ दल दर्ता प्रयोजनका लागि राणाले पार्टी पदाधिकारी, सांसद र केन्द्रीय सदस्यहरुको नामावली बुझाएका हुन् । ‘राष्ट्रिय प्रजातन्त्र पार्टी (प्रजातान्त्रिक)’ दर्ताका लागि निर्वाचन आयोगमा आवेदन दिइएको छ ।
राप्रपाबाट अलग भएका पशुपति शमशेर राणाले संसद सचिवालयमा पार्टी बिभाजन भएको जानकारी पनि गराएका छन् । उनले आफ्नो पक्षमा २२ जना सांसदहरु रहेको दाबी गरे पनि संसद सचिवालयमा बुझाइएको नामावलीमा १९ जनाको नाम छ ।
सांसदहरु दिपक बोहरा, सुनिल थापा, विक्रम पाण्डे, रामकुमार सुब्बा, रेशमबहादुर लामा, विराज विष्ट, राज्यलक्ष्मी श्रेष्ठ, लक्ष्मी थापा पासवान, रमेश कुमार लामाको राणाको पक्षमा छन् ।
यसैगरी सइन्द्र वान्तवा, गिता सिंह, बबिना मोक्तान, धानो महरा, सिता लुइँटेल ज्ञवाली, राज्यलक्ष्मी देबी शाह, इस्तियाक अहमद खाँ, सरोज शर्मा, कमला देबी शर्मा, आनन्दी पन्त पनि राणा पक्षमा लागेका छन् ।
राप्रपासँग कुल ३७ सांसद थिए ।
