काठमाडौँ, १७ भदौ । नेपाल आइडलले झुक्काएपछि दर्शकहरुले चर्को आलोचना गरेका छन् ।

नेपाल आइडलको ‘टप फोर’मा निशान भट्टराई, सागर आले, बुद्ध लामा र प्रताप दास छन् । चार जना प्रतिस्पर्धीमध्ये शुक्रबारको शोबाट एक जना बाहिरिनुपर्ने थियो । तर, जजहरुको निर्णयमा ‘नो एलिमिनेशन’ घोषणा गरिएपछि दर्शकहरु नमज्जासँग झुक्किए । सामाजिक सञ्जालमा अहिले नेपाल आइडलको चर्को विरोध र आलोचना भइरहेको छ ।

कस्ले के भने ? (जस्ताको तस्तै)

रामेश्वर बोहोरा

तराइका बाढी डुबान–पीडितको सहयोगार्थ प्रधानमन्त्री राहत कोषमा तीनसातामा देशभरबाट रु.१३ लाख जम्मा भएछ । नेपाल आइडलमा एक सातामै ३७ लाख एसएमएस !! #मेरो_देश

कृष्ण कार्की

गरिब र बिदेशमा रोजगारी गनेंहरू डुबाउने खेलको नाम हो नेपाल अाईडल ! अाईडल एकजना हुने हो । तर अाफुलाई मन परेकालाई भोट हाले भैगो नि । किन चन्दा र सहयोग उठाई उठाई भोट हाल्नु ? जसका लागि मागेको रकम त्यही प्रतियोगीलाई दिए उ करोडपति हुन्थ्यो होला । तर त्यो रकम कहाँ र कसको अाम्दानी बढ्दैछ अध्ययन गनुंस है ? # नेपाल अाईडल : करोडौं लुट ।

टेकु सारु मगर

सरासर गलत काम गरे यी जजहरु त्यतिकै बिबादमा आलोचित भाको होईन रहेछ। जनतालाई झुक्याउने र खोक्रो बनाउने काम मात्रै हो । त्यत्रो जनताले भोत गरेर आको रिजल्त नपुगेर याहा पैशा कमाउने बातो र धाँदलि गर्ने खेल हो यो । सबैले बिरोध गर्नु पर्छ ।

बद्रीमान जोशी

जो आउट भएको थियो उस्लाइ आउट गर्नु थिएन तेसैले यो नाट्क रचेको हो जनता को लाखौ पैसा लुटेको पहिले नै फाइनल मा ४ जना भनिदिए भै हाल्थ्यो नि।

बराल सूर्यमणि

`लक्ष्मण पौडेलको अर्को लुट काण्ड´ का रुपमा इतिहासमा यसको चर्चा हुनेछ यो काण्ड लाई कसैले भुल्ने छैनन् लाखौं आशालाइ निरासामा परिणत गर्नेहरु घृणित हुन् ,भन्ने हाम्रो बुझाइ हो ।

हरिगोविन्द रञ्जितकार

जजहरुले दर्सकहरुलाइ धोका दियो । मिडिया मा विभिन्न प्रकारले धम्की आयको कारण जजहरुले निर्णय दिन दरायका हुन ।

जगदिश श्रेष्ठ निसाज श्रेष्ठ

नेपाल अाईडल को निर्णय लाई अन्यथा नलिनु होला। ठिकै हो पैसा पनि कमिने भोट पनि बढने । यस्तो प्रतिस्पर्धि कार्यक्रम मा एकदुई पटक यस्तो गर्नु राम्रो हो र गर्नु पनि पर्छ किन कि दर्सकलाई पनि सरप्राईज दिनु पर्छ नि त ।

रामप्रसाद बस्याल

“नेपाल आइडल”लुटको बाटोमा लम्किदै NTC अनि Ncell बाट आउने कमिसनबाट कतार सयर गर्ने मेलो !!! ठगी ब्यापार गरेर कमाउने मेलो रहेछ यो त! #NepalIdol

विनोद डांगी

निश्चल बस्नेतले लुटको मास्टर प्लान नेपाल आइडल सामु सेयर गरेको जस्तो छ आज 😂😂 #Nepalidol

मेरो नेपाल

बाढि पीडितलाई सहयोग गर्दा: कमाई आठ लाख ।
आम्दानी आफ्नै खातामा राख्दा: कमाइ दुई करोड ।
वा रे वा नेपाल आइडल। #nepalidol

बिनु राई

नेपाल आइडल रिअलिटी सो हो कि सर्कस देखाउने ठाउँ हो… प्रतिभा देखाउने प्लेटफर्म हैन पैसा उठाउने प्लेटफर्म पो रहेछ… कतार जाने पैसा पुगेन जस्तो छ है?अब यो,उ नभनेर सबैले भोट बहिस्कार गरौं के…. #Nepalidol

सुजन पण्डित

भरतपुर १९ दोहोरियो । पैसा लुट्ने दाउ । अब जस्ले लगानी गर्न सक्छ उस्ले किन्छ नेपाल आइडल को तक्मा । #NepalIdol

मिना निरौला

३७ लाख भोट । अर्थात एक दिनमा २ करोड २२ लाख रुपैयाँको व्यापार ।
खुलमखुला #कालोव्यापार 😈😈 किन चुप होलान?? चुप नरहनुपर्ने राज्यका निकाय??

ध्रुव श्रेष्ठ

नेपाल आइडलको भोटीङ सिस्टम बहिष्कार गरौं
टप थ्रिका लागि भएको भोटीङमा ३७ लाख भोट खसेछ । एमएमएसकै कुरा गर्ने हो भने पनि प्रति एमएमएस पाँच रुपैयाँका दरले १ करोड ८५ लाख रुपैयाँ दर्शकले आइडलका नाममा समर्पित गरेछन् ।
लोभ कस्तो भने, आज कसैलाई पनि एलीमनेट गरिएन । भन्नाले अर्को पटक पनि दर्शकले टप थ्रिका लागि भोट गर्नुपर्ने भो । भन्नाले फेरी अर्को ३७ लाख भन्दा बढी भोट । उत्तिकै पैसा पोल्टामा । यो पैसा कहाँ जान्छ ? के यसरी व्यापार गर्न पाइन्छ ? यसरी जुवा खेल्न पाइन्छ ? गृहमन्त्रालय के हेरीरहेको छ ? अख्तीयार के हेरीरहेको छ ?
दर्शक हो, अब बुझीयो नै हैन, जादु देखाएर सिलाजीत बेच्ने चटकेहरुको दाउ ?
यो उपभोक्ताबादी समाजमा छट्टुहरुले यसैगरी भिडलाई वेवकुफ बनाइरहेका छन् । कहिले नेताले जनतालाई भेडा बनाएका छन्, कहिले टिभीवालाहरुले । यतिका पैसा बरु बाढी पीडितहरुलाई सहयोग गरेको भय सायद आज कोहि नेपालीहरु भोकभोकै मर्नु पर्दैन्थ्यो होला।
म चाँही अबको आइडलको भोटीङ बहिस्कार गर्नेछु ।
किनकी, यो सरासर धाँधली हो, कसले कति भोट पायो भन्ने लिक भइसकेको छ र अब कम भोट आउनेले बढी भोटका लागि झन धेरै पैसाको चलखेल गर्नसक्छ र कमसल प्रतिभालाई जिताउने खेल हुनसक्छ ।
सरकारले तत्काल यो एसएमएस भोटीङ सिस्टममाथि रोक लगाओस् । र अपारदर्शी आइडलमाथि छानविन गरोस् ।

टेकेन्द्र शाह

प्रशान्त तमाङलाई जिताएर तिमीले के पायौ ? टेरिया मगरलाई जिताएर के पायौ र अहिले नेपाल idol बनाएर तिमीले के पाउछौ ? प्रशान्त तमाङलाई हामीले पनि भोट गरेका थियौ पछि चितवनको मेरो एकजना मित्र जो (event manager) हुन् उनले एउटा कार्यक्रममा बोलाउदा १० लाख ic माग्यो । फोकटमा पैसा खेर नफाल बरु बाडिपीडितलाई सहयोग गर…
मेरो निजि बिचार…
दैनिक नेपाल बाट