जयपुर साहित्य उत्सवस्थलमा रुख ढल्यो, ४ जना घाइते

भारतकाे जयपुरमा जारी जयपुर साहित्य उत्सव चलिरहेको डिग्गी प्यालेसमा एउटा पीपलको रुख ढल्दा चार जना घाइते भएका छन् ।

महोत्सवमा आएका पाहुनाहरुले खाना खाइरहेको ठाउँमा रुख ढल्दा एक जना फोटोपत्रकारसहित चार जना घाइते भएको आयोजकले जनाएको छ । घाइतेहरुको उपचार भैरहेको छ ।

‘गुलाबी शहर’ का रुपमा परिचित राजस्थानको जयपुरमा बिहीबारदेखि साहित्यको कुम्भ मेला ‘जयपुर साहित्य उत्सव’ सुरु भएको थियाे।

२००६ बाट सुरु भएको जयपुर साहित्य उत्सव ‘द ग्रेटेस्ट लिटररी शो अन द अर्थ’ को रुपमा विकसित हुँदै गइरहेको छ ।