काठमाडौँ । प्रधानमन्त्री केपी शर्मा ओलीले भारतीय समकक्षी नरेन्द्र मोदीलाई टेलिफोन गरेका छन् । काश्मिरमा ४२ जना भारतीय सुरक्षाकर्मीको हत्या गरेलगत्तै ओलीले मोदीलाई टेलिफोन गरेका हुन् ।
मोदीसँगको फोनवार्ताका क्रममा ओलीले आतंकवादी हमलामा मारिएका जवानहरुप्रति श्रद्धाञ्जली तथा घाइतेहरुको शीघ्र स्वास्थ्यलाभको कामना गरेका छन् ।
विज्ञापन (ADVERTISEMENT)
फोनवार्ताको क्रममा प्रम ओलीले मोदीलाई यो संकटको घडीमा आफू र नेपाल भारतको साथमा रहेको बताएका प्रधानमन्त्रीको निजी सचिवालयले जानकारी दिएको छ ।
बिहीबार दिउँसो तीन बजे जैसएमोहम्म आतंकवादी समूहले पुलवालामा गरेको हमलामा केन्द्रीय रिजर्भ पुलिस फोर्सका ४२ जना जवानको हत्या भएको थियो ।
