राजदूत छान्न दिल्लीमा चर्को विवाद

काठमाडौं, ९ फागुन । राजदूत नियुक्तिमा विवाद नेपालमा मात्र हुँदैन, भारतमा पनि हुन्छ । नेपालका लागि भारतीय राजदूत छनौटमा तीब्र गुटवन्दी र विवाद भइरहेको छ । नयाँदिल्लीस्थित श्रोतका अनुसार सत्तारुढ भारतीय जनता पार्टीका नेताहरुको गुटवन्द्यी र तानातानले नेपालमा राजदूत नियुक्त हुन नसकेको हो । वर्तमान राजदूत रन्जीत रेको कार्यकाल फेब्रुअरी २५ बाट सकिँदैछ । उनलाई कसले प्रतिस्थापन गर्ने भन्ने अहिलेसम्म भारत सरकारले टुंगो लगाउन सकेको छैन । दक्षिण एशियामा भारतले पाकिस्तानपछि सबैभन्दा निगरानी गरेको देश हो नेपाल । त्यसैगरी दक्षिण एसियामा भारतले सबैभन्दा धेरै आन्तरिक मामिलामा हस्तक्षेप गरिरहेको देशमा नेपाल पहिलो नम्बरमा पर्छ । दक्षिण एशियामा चीन आक्रामक रुपमा प्रभाव विस्तारमा  लागेपछि नेपालमा भारतले झन बढी हस्तक्षेप र चासो गर्न थालेको हो । यति महत्वको मुलुकमा आफ्नो गुटका मानिसलाई  राजदूत बनाउन सत्तारुढ भाजपाका सबै गुटका नेताहरु भिडेर लागेको बुझिन्छ । साँघु साप्ताहिकमा खबर छ ।