झापा । झापामा छुट्टछुट्टै दुर्घटनामा परी ६ जना घाइते भएको प्रहरी कार्यालय झापाले जनाएको छ । तीन वटा दुर्घटना मोटरसाइकल एकआपसमा ठोकिएर भएको प्रहरीले जनाएको छ ।
झापा गाउँपालिका ३ सिमबाडी स्थित दक्षिणबाट उत्तर तर्फ जादै गरेको मे २ प ७७०९ नम्बरको मोटरसाइकलले सोही दिशातर्फ जादै गरेको मे २ प ४६८१ नम्बरको स्कुटीलाई ठक्कर दिदाँ स्कुटी सोही ठाउँका ४४ बर्षीय जगन्नाथ गणेश घाईते भएका छन् । उनको बिर्तासिटी अस्पताल विर्तामोडमा उपचार भईरहेको छ, भने मोटसाइकल चालक झापा गापा ३ बस्ने ३५ बर्षीय गुल महमद शेखलाई प्रहरीले नियन्त्रण लिएको छ ।
त्यस्तै पूर्व पश्चिम राजमार्ग अन्तरगत कमल गाउँपालिका ५ पाडाजुङगी चोकमा पूर्वबाट पश्चिम तर्फ जादै गरेको को ६ प ७९१५ नम्बरको मोटरसाइकलले सोही दिशा तर्फ जादै गरेको स १० प ७८४ नम्बरको ठक्कर दिएको थियो । दुर्घटना परी को ६ प ७९१५ नम्बरको मोसा चालक कमल ५ बस्ने २६ बर्षीय रोहित चौधरी घाईते भएका छन् । उनको बिएण्डसी अस्पताल बिर्तामोडमा उपचार भइरहेको छ । स १० प ७८४ नम्बरको मोसाको पछाडी सवार सुनसरी बराहक्षेत्र नपा १ बस्ने २३ बर्षीय महेन्द्र दाहालको लाईफ लाईन दमक अस्पतालमा उपचार भईरहेको छ । दुबै मोटरसाइकललाई प्रहरीले नियन्त्रणमा लिएको छ ।
त्यसैगरी बुद्धशान्ती गापा जोरकलस स्थित मेची राजमार्ग सडक खण्डमा उत्तरबाट दक्षिण तर्फ आउदै गरेको मे ६ प ७२९६ नम्बरको मोटरसाइकल र सोही दिशाबाट आईरहेको मे १० प ६६९ नम्बरको मोटरसाइकल आफै अनियन्त्रित भई दुर्घटना भएको छ । दुर्घटनामा परी मे ६प ७२९६ को मोसा चालक भारत ईस्लामपुर बस्ने २१ बर्षीय बिमल सिंह घाईते भएका छन् । उनको स्वास्थ्य चौकी बुद्धबारेमा उपचार भईरहेको छ । मे १० प ६६९ नम्बरको मोसा चालक अर्जुनधारा ९ बस्ने २३ बर्षीय आयुष अधिकारीको स्थानिय मेडिकलमा उपचार भईरहेको र पछाडी सवार ईलाम रङ गापा ४ हडिया बस्ने २३ बर्षीय मौसम मुख्याको बिएण्डसी अस्पताल बिर्तामोडमा उपचार भईरहेको छ, भने दुवै मोसा प्रहरीले नियन्त्रणमा लिएको छ।
