दमक/अरुण पूर्वका नौ जिल्ला लिम्बुवानको माग राखेर आन्दोलनरत संघीय लिम्बुवान पार्टी नेपालले सरकारले घोषणा गरेको स्थानीय तहको निर्वाचन सहित सबै निर्वाचनमा सहभागि हुने भएको छ । सबै निर्वाचनहरुलाई उपयोग गरेर जाने पार्टीको नीति रहेको भन्दै उसले स्थानीय तहहरुमा समेत उम्मेदवारी दिने जनाईएको छ । पार्टी अध्यक्ष सन्जुहाङ पालुङ्वाको अध्यक्षतामा दमकमा बसेको बैठकले सबै्र निर्वाचनमा सहभागि हुने निर्णय गरेको पार्टीका महासचिब प्रेमदीप थाम्सुहाङले बताए । उनका अनुसार जनताको भावाना अनुसार आफूहरु निर्वाचनमा लाग्ने र स्थानीय तहमा समेत उम्मेदवारी दिने तयारी शुरु भएको छ । पार्टीले घरघरमा लिम्बुवान भन्ने कार्यक्रम समेत ल्याउन लागेको पार्टीका नेता देउकुमार नेम्बाङले बताए । उनले अब लिम्बुवान पार्टी जनताको घरघरमा पुगेर लिम्बुवानको बिषमा प्रशिक्षित गर्ने र आकर्षित गर्ने काममा लाग्ने । उनले दमकको मेयरमा पार्टीको उम्मेदवारको बिषयमा पनि चाडै निर्णय हुने जनाए । सम्भवत उनको नै नाम मेयरमा प्रस्ताव हुने श्रोतले बताएको छ । यसको तयारीमा नेम्बाङ लागिसकेकाछन् ।