दमक/नेपाली कांग्रेस मेची नगर नगर समितिले झापा जिल्लामा स्वबियु निर्वाचन जित्ने सभापति सहितका सम्पूर्णलाइ सम्मान सहित बधाइ कार्यक्रमको आयोजना गरेको छ । दमक बहुमुखी क्याम्पस, मेची क्याम्पस भद्रपुर, कन्काइ क्याम्पस बिर्तामो, गौरीगंज क्याम्पस, शनिस्चरे क्याम्पस, दुर्गा क्याम्पस गारामनि र काकरभिट्टा क्याम्पसमा बिजयीहरुलाइ सम्मान गरिएको हो । झापाका स्वबियू भएका १० क्याम्पसमध्ये ७ वटामा नेबि संघले जितेको सो अवसरमा जानकारी गराईएको थियो । कार्यक्रममा बोल्दै काँग्रेसका युवा नेता बिश्वप्रकाश शर्माले काँग्रेसले जित्नु देशको जित भन्दै नेबि संघ सबै बिद्यार्थीको आस्थाको केन्द्र भएको प्रमाणित भएको जनाए । उनले नेबि संघको जित बिद्यार्थीहरुको हक अधिकारको शुनिश्चितताका लागि भएको भन्दै सफल कार्याकालका लागि स्वबियू सभापतिहरु तथा बिजेताहरुलाई शुभकामना दिएका थिए । कार्यक्रममा नेबि संघका केन्द्रिय सदस्य नीरज अग्रवाल, काँग्रेसका युवा नेता सागर खनाल लगायतका सहभागिता रहेको थियो । नेबि सघका केन्द्रिय सदस्य नीरज अग्रवालका अनुसार अनेरास्वबियूको बर्चश्व रहेको गौरीगञ्ज क्याम्पसदेखि लिएर मेची क्याम्पससम्म नेबि सघले जितेको जनाउदै यो एउटा ऐतिहासिक सफलता भएको दाबी गरे । उनले अब स्वबियूलाई चलयमान बनाएर बिद्यार्थीको हकहितमा उच्चतम काम गर्न सक्ने बनाउने उनको भनाइ छ । नेबि सघका जिल्ला अध्यक्ष रोशन बिष्टका अनुसार स्वबियूमा नेबि संघको बर्चश्व देखिनु बिद्यार्थीहरुको बिश्वास र आफूहरुले उठाएका मुद्धाहरु भएको बताए । उनले स्वबियू निर्वाचनको समयमा गरिएका प्रतिबद्धताहरु बिजय भएका सभापतिहरुले पुरा गर्ने र त्यसमा नेबि संघले सहयोग गर्ने बताए ।