दमक/नेकपा माओबादी केन्द्रका अध्यक्ष तथा प्रधानमन्त्री पुष्पकमल दाहाल (प्रचण्ड) पछिल्लो घटनाक्रमले तनाव रहेको बताइएको छ । प्रधानमन्त्री दाहालले राजिनामा दिनसक्ने र यसबारे गम्भिर छलफल शुरु गर्न शुरु गरेको बताईएको हो । मधेशी मोर्चाले सप्तरीमा राज्यको दमनबाट ४ जनाको मृत्यु भएको भन्दै आपत्कालिन बैठक बसेर दाहाल सरकारलाई दिएको समर्थन फिर्ता सहित दूइ दिन मधेश बन्दको कार्यक्रम सार्वजनिक गरिसकेको छ ।
श्रोतका अनुसार पहिला काँग्रेससंग सहमति गरे अनुसार सरकार छाड्ने समय समेत भइसकेकाले यहि अवस्थामा काँग्रेसलाइ सरकार हस्ताण्तरण गर्नका लागि दाहालले कसरत शुरु गरेकाछन् । दाहालका कतिपय निकटस्थहरुले केहि समय अवस्था हेर्न र तत्काल राजिनामा नदिन सुझाव दिएको बताइन्छ । दाहालले भने काँग्रेसका केहि नेताहरुसंग अहिले साँझ सरकार छाड्ने बिषयमा छलफल गरेको बालुवाटार श्रोतले जनाएको छ । तर दाहालले भोलीसम्म राजिनामा दिन सक्ने बिश्लेषण राजनीतिक बृतमा गरिएको छ ।
नेकपा एमाले र मधेशी मोर्चाले नै घटनाको जिम्मेवार सरकारलाइ देख्ने भएकाले यो सरकार अप्ठेरोमा परेको छ । एमालेले अभियान शुरु गर्नु अघि नै भरपर्दो सुरक्षा मिलाउन र कार्यक्रलाइ शान्तिपूर्ण बनाउन प्रयास गर्न सरकारलाइ आग्रह समेत गर्दै आएको थियो ।