दमक/नेकपा एमालेका अध्यक्ष तथा पूर्व प्रधानमन्त्री केपी शर्मा ओलीले अब एमालेको बेगलाइ कसैले रोक्न नसक्ने बताएकाछन् । उनले एमालेप्रति देखिएको जनलहर र जनसमर्थनबाट निन्द्रा हराएकाहरु सल्बलाएको बताउदै अब जनता कसैको पनि दास बन्न नसक्ने जनाए । मधेशमा एमालेको जनलहर र जनउत्साह देखेर अत्तालिएका अपराधिक समुहहरुले अहिले घटाएको घटना रोक्न नसक्नु राज्यहिनताको पराकाष्ठा भएको उनको टिप्पणी रहेको छ ।
उनले प्रधानमन्त्री पुष्पकमल दाहाललाइ भेटेर राजनीतिक दलको कार्यक्रममा बम प्रहार गर्दा र सामुहिक हत्याको प्रयास गर्दा त्यस्ता अपराधिहरुलाइ किन कार्वाही गर्नु सक्नुहुन्न भनेर थर्काएछन् । ओलीको कुरा सुनेर दाहाल नाजावाफ भएको ओलीका साथमा रहेका एक एमालेका नेताले बताएकाछन् । मधेशमा देखिएको असाधरण उपस्थिति र जनलहरबाट राष्ट्रियता बलियो हुने देखेर बिथोल्ने प्रयास भएको भन्दै यो एमालेलाइ मान्य नहुने ओलीले चेतावनी दिएका थिए । उनले एमालेले अब अभियान जारी राख्ने बताउदै सुरक्षा दिन नसक्ने भए सुरक्षा दिन सक्दिन भन्न र कार्यक्रममा आधिकारीक रुपमा सरकारले नै रोक लगाउन भन्दै चुनौती दिएको श्रोतले बताएको छ ।