लागुऔषध प्रयोग बिरुद्धको अभियानमा बिनय डकुमेन्ट्रि लिएर आउदै

अहिले देशमा युवाहरुमाझ प्रमुख समस्या लागु औषध दूब्र्यसन रहेको छ । यसले स सना बालबालिकादेखि लिएर बिशेष गरि युवाहरु बढि पीडितछन् । यसले धेरैको परिवार तसनहस बनाएको छ । यस्तै यथार्थलाइ चित्रण गरेर बनाईएको नदेखिएका आँशुहरु नामक सचेतनामूलक डकुमेन्ट्री यतिखेर चर्चामा छ विनयजंग बस्नेतको वास्तविक जीवन घटनामा आधारित यस डकुमेन्ट्रीले दुव्र्यसनीले समाजमा पारेको प्रभावलाई इङ्गित गरेको मात्र छैन, समाजलाई दुव्र्यसनीमुक्त बनाउनको निम्ति दुव्र्यसनीमा परेको व्यक्ति, परिवार, समाज, र छरछिमेकको कस्तो भूमीका रहेको छ भन्ने देखाएको जनाईएको छ । व्यक्ति दुव्र्यसनीमा परे पश्चात् उसमा विभिन्न मनोसामाजिक समस्याहरु देखिने तर ती समस्याहरुलाई राम्रो सल्लाह र वातावरण मिल्न सकेको खण्डमा समाधान गर्दै पुनर्जीवन दिन सकिन्छ भन्ने कुरा यस डकुमेन्ट्रीले देखाउन खोजेको छ । यसमा अभिनय गरेका सबैजसो पात्रहरु वास्तविक नै रहेको जनाईएको छ । सचेतना मूलक भएकाले देशभरका बिद्यालयहरुमा देखाइने बताइन्छ । यस बाहेक दूइदर्जनभन्दा बढि मूलकहरुमा समेत यसलाइ प्रदर्शनका लागि लगिनेछ । विनय बस्नेतको वास्तविक जीवन भोगाईमा आधारित यो डकुमेन्ट्री लागुऔषधको कुलतमा लागेका र पस्न खोजेकाहरुका लागि मर्मस्पर्शी रहने बताइन्छ । एक प्रतिष्ठित परिवारमा जन्मिएर दुव्र्यसनीको कारण सामाजिक रुपमा एक्लो भएका र परिवारको माया समेत गुमाएका बस्नेतको स्थायी ठेगाना ललितपुरको टिकाथलीमा हो । दुव्र्यसनी विरुद्ध अभियान चलाउँदै आएका उनी विभिन्न अस्पतालहरुमा भेटिएका शवहरुको पशुपति आर्यघाटमा दाहसंस्कारको काम समेत गर्दै आएका छन। विभिन्न रेडियोबाट दुव्र्यसनीमुक्त समाज निर्माणको उद्धेश्यले कार्यक्रम समेत सञ्चालन गर्दै आएकाछन् ।