दमक/झापाको दमक ११ स्थित मुख्य चोक नजिक रहेको देवकोटा चोकमा एक कम्यूटर तथा ल्यापटप पसलमा गयराती चोरी भएपछि दमकका ब्यापारीहरुले सुरक्षाका माग गरेकाछन् । दमकका युवा ब्यवसायि बिदुर नेपालले सञ्चालन गरेको सफल कम्यूटर सप्लायर्ष बाट ४ वटा ल्यापटप सहित बिभिन्न सामाग्रिहरु गरेर ३ लाख भन्दा बढिको सामाग्रिहरु चोरेको बताईएको छ । पीडित कम्यूटर ब्यवसायि नेपालले इलाका प्रहरी कार्यालय दमकमा चोर पत्ता लगाएर कार्वाही सहित आफ्ना चोरीका सामाग्रिहरु पत्ता लगाइदिन निवेदन दिएकाछन् । राती साढे १२ बजेको समयमा चोरी भएको त्यहाँ रहेको सिसिटिभिले कैद गरेको छ । सामानहरु हालेको, छानिछानि ल्यापटप र अन्य उपकरणहरु हालेको दृश्यहरु सबै कैद रहेको जनाइन्छ । करिब ४५ मिनेट लगाएर चोरहरुले त्यहाँबाट सामान चोरेको सिसिक्यामेरामा कैद रहेको प्रहरी श्रोतले पठाएको छ । कम्यूटर तथा इलोक्ट्रोनिक ब्यवसायि र दमक उद्योग बाणिज्य संघले यस बिषयमा इलाका प्रहरी कार्यालय दमकको ध्यानकर्षण गराउदै सुरक्षाको ब्यवस्था मिलाउनका लागि आग्रह गरेकाछन् । दमक उद्योग बाणिज्य संघका बरिष्ठ उपाध्यक्ष बिमल खतिवडाले तत्काल चोर पक्राउ गरेर चोरिएको सामान फिर्ता गराउन प्रहरीसंग माग गरिएको जनाए । इलाका प्रहरी कार्यालय दमकका प्रमुख राजन लिम्बुले चोरीको घटना सिसि क्यामेरामा कैद भएकाले चाडै चोर पत्ता लाग्न सक्ने बताए । अन्य पसलहरु चोरी हुन नदिन भरपर्दो सुरक्षा ब्यवस्था मिलाउन आफू लागि पर्ने लिम्बुले बताए । उनले भने—‘सुरक्षाको बिषयमा शंका नगर्न म आग्रह गर्दछु र चाडै चोर पत्ता लगाउन हामी कोशिस गर्ने छौ ।’