संघीय समाजवादी फोरम नेपालका अध्यक्ष उपेन्द्र यादवले वर्तमान सरकारका कारण मुलुकमा भ्रष्टाचार बढेको बताउनु भएको छ । काठमाडौंमा शनिबार आयोजित साक्षत्कारमा अध्यक्ष यादवले भ्रष्ट्रचार र वेथिति अन्त्यको लागि अब सरकारको विकल्प खोज्नु पर्ने बताउनु भयो । अध्यक्ष यादवले एनसेलसँग लिनुपर्ने लाभकरको विषयमा सरकारले छानविन गर्नुपर्ने उल्लेख गर्दै उहाँले भन्नु भयो,‘यो ठूलो भ्रष्टाचार हो, यसको छनविन हुनु पर्छ । यस्तो परिस्थितिमा मुलुकलाई लुटेर चुनाव गर्न खोजिँदैछ ।’ यादवले स्थानीय तहको निर्वाचनको मिति घोषणा गरेर सरकार उल्टो बाटोमा हिँडिरहेको आरोप लगाउँदै संघीयता र गणतन्त्रलाई सखाप पार्ने षड्यन्त्र भइरहेको आरोप लगाउनु भयो ।