दमक/उद्योग वाणिज्य संघमा अघिल्लो पटक झै स्वतन्त्र उम्मेद्वारीको बिषयमा समेत भित्रभित्रै बहस शुरु भएको पाईएको छ । राजनीतिक र्पाीका नेता पिच्छेले आफ्नो उम्मेदवार खडा गर्ने र ब्यापारीको चाहाना बिपरीत राजनीतिक हस्तक्षेप बढ्न थालेपछि यस्तो संकेत देखिएको छ ।
वाणिज्य सघमा अहिले नेतृत्व गरिरहेका पदाधिकारीहरुमध्ये नै कसैले नेतृत्व गरेर अघि बढ्ने हिसावले तयारी भएको पाईएको हो । सहकर्मीबीच नै इमान्दारिता नभएको, बिगतको प्रतिबद्धतता पुरा नगरेको र राजनीतिक हावि भएको भन्दै स्वतन्त्र उम्मेदवारका लागि केहि संघका पदाधिकारीहरुलाइ ब्यवसायीले दवाव दिएको पाईएको हो ।
अघिल्लो पटक राजनीतिक हस्तक्षेप बढि भएका कारण स्वतन्त्र उम्मेदवारी आएको थियो । यो पटक पनि राजनीतिक हस्तक्षेप र बेइमानी हुन लागेकाले स्वतन्त्र उम्मेदवारी जरुरत देखिएको छ, बिगतमा स्वतन्त्रलाइ सघाएका एक अगुवा ब्यसायीले भने ।
स्वतन्त्रको प्यानल बनाएर कार्यालय खडा गर्ने अन्तिम तयारी भएको सम्बद्ध श्रोतको दाबी रहेको छ । ब्यानर र नारा तय भइसकेको छ, स्वतन्त्र ब्यवसायी प्यानल खडा गर्न लागेका एक ब्यवसायीले भने ।
वाणिज्य संघको साधरणसभा आउन केहि समय बाँकी रहदा समेत चुनावी माहोल नआउनुमा राजनीतिक दलहरु नै हावि हुनु भएको बताइन्छ । वाणिज्य संघलाइ पार्टीको भातृसंगठन बनाउने र आफु अनुकुलको मान्छे राख्न खोज्ने प्रवृती रहेको भन्दै आलोचना हुन शुरु गरेको छ ।
अघिल्लो पटक संघमा राजनीतिक हस्तक्षेप भएको भन्दै स्वतन्त्र उम्मेद्वारी घोषणा भएको थियो र अध्यक्ष सहितको पदाधिकारीहरु उनिहरुले नै जितेका थिए । संघलाइ राजनीतिमुक्त बनाएर ब्यवसायीको बनाउने प्रमुख मुद्धा जितपछि ओझेलमा परेको ब्यवसायीहरु बताउछन् ।
संघलाइ राजनीतिक हस्तक्षेपमुक्त बनाउने भन्दै अघिल्लो पटक यसरी स्वतन्त्र उम्मेदवारी घोषणा भएको थियो
