पाकिस्तानले कुनै सटिक कारण बिना नै सर्वसाधारणमाथि गोलीबारी गरेको भारतीय सेनाले बयान जारी गर्दै आरोप लगाएको छ । भारतीय सेनाका अनुसार गुन्डीशत गाउँ र तंगधारमा पाकिस्तानी सेनाको गोलीबारीमा परी एक सर्वसाधारणको र तीन नेपाली मूलका जवानको मृत्यु भएको छ । गोलीबारीमा परी तीनजना घाइते भएको जानकारी दिएको छ ।
उक्त गोलीबारीमा हवलदार पदम बहादुर श्रेष्ठ र राइफलम्यान गामिल कुमार श्रेष्ठको मृत्यु भएको बयानमा जानकारी दिइएको छ ।
यस्तै, ५५ वर्षका मोहम्मद सादिक नामका एक सर्वसाधारणको पनि मृत्यु भएको । यसका साथै ७० वर्षका मोहम्मद मकबूल, ५० वर्षका मोहम्मद शफी र २२ वर्षका युसूफ हादिम पनि घाइते भएका छन् ।
भारतीय सेनाको तर्फबाट जारी बयानमा भारतीय इलाकामा चरमपन्थीहरुको घुसपैठका लागि पाकिस्तानले युद्धविरामको उल्लंघन गरेको आरोप लगाएको छ ।
यसको जवाफमा भारतीय सेनाले बदलाको कारवाही गर्दै चरमपन्थी इलाकालाई निशाना बनाए । भारतका थल सेना अध्यक्ष जनरल बिपिन रावतले मिडियासँगको कुराकानीमा उक्त कारवाहीमा पाकिस्तानका ६ देखि १० सैनिक मारिएको बताए । यसका साथै चरमपन्थीहरुका तीनवटा शिविर पनि ध्वस्त पारिएको जानकारी दिए ।
बिपिन रावतका अनुसार उक्त कारवाहीमा पाकिस्तान सीमामा ६ देखि १० चरमपन्थी पनि मारिएका छन् ।
Indian unprovoked CFVs in Jura, shahkot & Nousehri Sectors deliberately targeting civilians. Effectively responded. 9 Indian soldiers killed several injured. 2 Indian bunkers destroyed.
During exchange of fire 1 soldier & 3 civilians shaheed, 2 soldiers & 5 civilians injured.— DG ISPR (@OfficialDGISPR) October 20, 2019
उता पाकिस्तानी सेनाका प्रवक्ता मेजर जनरल आसिफ गफूरले भारतमाथि बिना कारण नै युद्धविरामको उल्लंघन गरेको आरोप लगाएका छन् । गफरले ट्वीटमा भनेका छन्, ‘भारतले कुनै कारण बिना नै जुरा, शाहकोट र नौशेरी सेक्टरमा युद्धविरामको उल्लंघन गर्दै नागरिकलाई निशाना बनाएका छन् ।’
‘हामीले यसको कडा जवाफ फर्काएका छौं । भारतीउय सेनाका ९ जवान मारिए भने थुप्रै घाइते भएका छन् । दुई भारतीय बंकर पनि नष्ट गरिएका छन् । दोहोरो गोलीबारीमा एक पाकिस्तानी सेना र तीन सर्वसाधारणको ज्यान गएको छ र सेनाका दुई जवानका साथै पाँच सर्वसाधारण घाइते भएका छन् ।’
प्रतिक्रिया
सम्बन्धित खवर
