दमक÷ राप्रपाका अध्यक्ष तथा उपप्रधान एवं स्थानीय बिकास मन्त्री कमल थापाले राप्रपाले जित हासिल गरेका सबै गाँउपालिका र नगरपालिकामा अनिवार्य रुपमा राष्ट्र निर्माता पृथ्बीनारायण शाहको सम्मानका लागि बिशेष ब्यवस्थाहरु गर्ने बताएकाछन् । उनले आफूहरुले जित हासिल गरेका सबै नगर तथा गाँउमा धर्म परिवर्तनलाइ र गौहत्यालाइ पूर्ण रुपमा अन्त्य गर्दै सबै धर्मलाइ समान ब्यवहार गर्ने समेत दाबी गरेकाछन् ।
झापाको दमकमा शनिबार राप्रपाले आयोजना गरेको  जनसभालाइ सम्बोधन गर्दै थापाले आफूहरुले जितेका गाँउपालिका र नगरपालिका तथा यहाँ रहने सबै कार्यालयहरुमा अनिवार्य रुपमा राष्ट्र निर्माता पृथ्वीनारायण शाहका फोटाहरु राखिने बताए । यहाँ रहने सबै बिद्यालयहरुले पनि अनिवार्य रुपमा शाहको फोटो राख्न लगाउने जनाए ।
पुष २७ गते राष्ट्रिय एकता दिवस मनाउने र आफूहरुले जित्ने नगरपालिका तथा गाँउपालिकामा सार्वजनिक बिदा हुने घोषणा गरे । थापाले धर्म परिवर्तनलाइ पूर्ण रुपमा बन्देज लगाउने उल्लेख गरे । गौ हत्या र धर्म परिवर्तन आफूहरुका लागि स्वीकार्य हुनै नसक्ने बताउदै सबै धर्मको संरक्षण गरिने बताए ।

https://youtu.be/DbiubLa5PaQ