एजेन्सी । अमेरिकी रक्षा विभाग पेन्टागनले इस्लामिक स्टेट (आइएस) का प्रमुख अबु बकर अल बगदादीमाथि गरिएको कारवाहीको भिडियो र तस्विर सार्वजनिक गरेको छ ।
सेन्ट्रल कमान्डका कमान्डर जनरल केनेथ म्याकेन्जीले बुधबार पत्रकार सम्मेलन गर्दै यसबारे जानकारी दिए ।
म्याकेन्जीका अनुसार जारी गरिएको भिडियो बगदादी बसिरहेको परिसरमा हमला गर्ने सुरक्षाबलको हो । उक्त कारवाहीमा आइएसका ६ सदस्य मारिएका छन् । जसमा ४ महिला र बगदादीसमेत दुई युवक सामेल छन् ।
जब बगदादीले आफैमाथि आत्मघाती विस्फोट गरे, १२ वर्षभन्दा कम उमेर दुई बालबालिका पनि मारिएका छन् ।
परिसरबाट बाहिर आउने गैर लडाकूहरुलाई हिरासतमा लिएर खोजतलास गरिएको थियो । हतियार र विस्फोटक नपाएपछि उनीहरुलाई रिहा गरिएको जानकारी दिइएको छ । उक्त समूहमा ११ बालबालिका थिए ।
अमेरिकी राष्ट्रपति डोनाल्ड ट्रम्पले आइतबार सिरियामा अमेरिकी सेनाले गरेको विशेष अपरेशनमा बगदादी मारिएको घोषणा गरेका थिए । उनले बगदादी लामो समयदेखि निशानामा रहेको र कयौँ वर्षदेखि खोजी गरिएको बताएका थिए ।
अमेरिकाको राष्ट्रिय आतंकवाद निरोधक केन्द्रका कार्यवाहक निर्देशक रसल ट्रेवर्सले बगदादी मारिएपछि आइएसले अब दुई हप्ताभित्र नयाँ नेताको नाम घोषणा गर्ने जानकारी दिए । उनका अनुसार आइएसले पश्चिमा देशबिरुद्ध नयाँ हमला गर्ने चेतावनी पनि दिएको छ ।
“…at the compound, fighters from two locations in the vicinity of the compound began firing on U.S. aircraft participating in the assault.”
– Gen Frank McKenzie CDR USCENTCOM pic.twitter.com/SkrtHNDs7w— U.S. Central Command (@CENTCOM) 30 October 2019
