प्रहरीले कल बाइपासमा संलग्न एक जना भारतीय आइटी इञ्जिनियरलाई आइतबार राति झापाको दमकबाट पक्राउ गरेको छ । पक्राउ पर्नेमा कलकत्ता स्थायी घर भएका २५ वर्षीय अमन सिंह छन् । सिंह दुई महिना अघिदेखि दमकका मनीष लिम्बुको घरको कोठा भाडामा लिएर बसेका थिए । सिंहको कोठाबाट प्रहरीले  कल बाइपासमा प्रयोग हुने व्याट्री, ईन्भटर, ४७ थान एनटिसीको सिमकार्ड, १ सय ३० थान एनसेलको सिमकार्ड र थुप्रै रिचार्ज कार्ड बरामद गरिएको प्रहरीले जनाएको छ ।