#
अन्तराष्ट्रिय

भारी वर्षापछि साउदी अरबमा समेत हिमपात, बाहिर ननिस्कन स्थानीय प्रशासनको सुझाव

  एजेन्सी   २८ पुष २०७६, सोमबार १९:२७

साउदी अरबको राजधानी रियादमा गत बिहीवारबाट भारी वर्षा भइरहेको छ । वर्षासँगै राजधानी र अन्य ठाउँमा तापक्रम तल झरेको छ । वर्षापछि शुक्रवारबाट कतिपय ठाउँमा हिउँसमेत परेको छ ।

अरब न्युज र गल्फ न्युजका अनुसार जबल अल लावज, अल दाहर र अलकान पर्वत हिउँले ढाकिएको छ । हिउँले ढाकिएका कतिपय उत्तरी भू-भागमा पर्यटकहरू रमाइरहेका छन् ।

खाडी मुलुकका कतिपय ठाउँहरूमा गर्मी हुने भनिएपनि साउदीका उत्तरी भूभागहरूमा डिसेम्बर जनवरीमा हिउँ पर्ने गर्छ ।

गल्फ न्यूजको रिपोर्ट अनुसार साउदी अरबको उत्तरी हिस्साको कतिपय ठाउँमा तापक्रम शून्यबाट अझ तल झरेको छ । स्थानीय मौसम विभागले ताबुक, मदीना र उत्तरी सीमावर्ती इलाकामा अझै बढी भारी हिमपात हुनसक्ने अनुमान गरेको छ

सवालनेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला।

फेसबुकमा तपाईको प्रतिक्रिया

Leave a Reply

Your email address will not be published. Required fields are marked *

सम्बन्धित शीर्षकहरु