जन्मेको ३० घण्टामै नवजात शिशुमा कोरोनाको संक्रमण भेटियाे

एजेन्सी– चीनको वुहानमा एक नवजात शिशुमा जन्मेको ३० घण्टामै कोरोना भाइरसको संक्रमण भेटिएकाे छ।

आमाको गर्भमै या जन्मिएपछि शिशुमा कोरोनाको संक्रमण भएको हुनसक्ने आशंका गरिएको छ।

उक्त नवजात शिशु जन्मिनुअघि आमामा कोरोनाको संक्रमण देखिएको अन्तर्राष्ट्रिय सञ्चार माध्यमले जनाएका छन्।

कोरोनाकाे संक्रमणबाट चीनमा ४ सय ९० जनाको ज्यान गइसकेकाे छ। चीन बाहिर समेत २ जनाले ज्यान गुमाएका छन्।