चीनमा होटल भत्किँदा मर्नेको संख्या १० पुग्यो

चीनको फुजियान प्रान्तमा शनिवार राति होटल भत्केपछि मर्नेको संख्या १० पुगेको छ ।

भग्नावशेषबाट ४८ जनालाई निकालिएको छ भने २३ जना अझै च्यापिएका छन् ।

उक्त होटल कोरोनाभाइरस लागेकहरूलाई क्वारेन्टाइनमा राख्न उपयोग गरिएको थियो ।

क्वान्चो शहरमा रहेको सिनजिया होटेल बेलुका सबा ७ बजेतिर भत्केको थियो ।

प्रारम्भिक अनुसन्धानमा देखिएअनुसार भवन भत्किँदा त्यहाँ साजसज्जा चलिरहेको थियो । भवन मालिकलाई प्रहरीले नियन्त्रणमा लिएको छ ।