मोदीले हात जोडेर भने : अबको २१ दिनसम्म घरबाहिर निस्किन बिर्सिदिनुस्

काठमाडौँ- भारतका १ खर्ब ३० लाख मानिस मंगलबार मध्यरातदेखि तीन साता लामो लकडाउनमा जानेछन्। प्रधानमन्त्री नरेन्द्र मोदीले मंगलबार साँझ यसको जानकारी गराएका हुन्। भारतमा संक्रमितको संख्या ५ सय नाघेको छ भने १० जनाको मृत्यु भइसकेको छ।

‘भारतलाई बचाउन सबै नागरिक, सबै गल्ली र सबै क्षेत्र लकडाउनमा राखिनेछन्,’ मोदीले देशबासीको सम्बोधनका क्रममा भने।

स्वास्थ्य अनुसन्धानकर्ताहरुले मध्य अप्रिलसम्म भारतमा १० लाखभन्दा बढी मानिस कोरोना भाइरसको संक्रमणमा पर्ने प्रक्षेपण गरेपछि मोदीले यो घोषणा गरेको भारतीय सञ्चारमाध्यमहरुले जानकारी दिएका छन्।