दमक/नेकपा एमालेका अध्यक्ष केपी ओलीले एमालेले देखेको मेट्रो रेलको सपना पूरा भएरै छाड्ने बताउदै त्यसको आलोचना गर्नेहरु आफै लाज पचाएर आफ्नो घोषणापत्रमा हाल्ने गरेको पाउदा आफू छक्क परेको बताएकाछन् । यो सपना अरु कसैले पुरा गर्न नसक्ने र एमालेले मात्र पुरा गर्ने बताउदै ओलीले यो बिषयको उठान गर्दा एमालेलाई खिल्ली उडाउनेहरुलाई नै सबैभन्दा पहिला मेट्रो रेलमा राखेर कुदाउने ओलीले जनाए । उनले भने—‘ति खिल्लि उडाउनेहरुलाइ नै हामी सबैभन्दा पहिला चढाएर घुमाउने छौ त्यसका लागि हामीलाइ जनताको साथ चाहिएको छ ।’ स्थानीयमा तहमा जितेर आउने एमालेका प्रतिनिधिहरुले स्थानीय निकाय चलाउने मात्र नभई जनताको लागि प्रतिबद्ध भएर काम गर्ने र सम्बृद्धिको सपना पुरा गर्ने ओलीले दाबी गरे ।
