अन्तराष्ट्रिय

ट्रम्पले ह्युगो चाभेजको शैली चोरेको मदुरोको टिप्पणी


  काठमाडाैं   सवाल नेपाल   २०७७ कार्तिक १६, १६:१२

अमेरिकाका राष्ट्रपति डोनल्ड ट्रम्प चुनावी अभियानहरूमा भिलेज पिपुल नामक सांगीतिक समूहको हिट गीत वाईएमसीएको धुनमा नाच्ने गरेका छन् ।

तर ट्रम्पले भेनेजुएलाका पूर्वराष्ट्रपति ह्युगो चाभेजको शैली अनुकरण गरेको आरोप बहालवाला राष्ट्रपति निकोलास मदुरोले लगाएका छन् ।

राजधानी काराकासमा समर्थकहरूसँगको बैठकमा मदुरोले चुनावी सभाहरूमा ट्रम्पको नृत्यका विषयमा टिप्पणी गरेका हुन् ।

‘पेन्सिल्भेनियामा भएको कार्यक्रममा डोनल्ड ट्रम्पले नाच्दा चाभेजको अनुकरण गरे । देख्नुभयो ?’ मदुरोले भने ।

ट्रम्पले भिलेज पिपुलको डिस्को क्लासिक वाईएमसीको धुनमा मञ्चमा नाचेको विषयलाई मदुरोले सन्दर्भ बनाएका हुन् । चाभेज चाहिँ भेनेजुएलाको लोकसंगीतको एक विधा मेरेन्ग्युको धुनमा नाच्ने गर्थे ।

ट्रम्प मुट्ठी बटार्दै मिडलटाउनमा नाचेका हुन् । केही समययता चुनावी सभाहरूमा उनी यसैगरी नाच्ने गर्थे ।

क्वारेन्टीनबाट निस्केपछि ट्रम्पले समर्थकहरूसँगको भेटघाटमा ऊर्जा देखाउने गरेका छन् । उनी र उनकी पत्नीलाई अक्टोबर महिनाको आरम्भमा कोभिड संक्रमण भएको थियो ।

तर उनी वाल्टर रीड मेडिकल सेन्टरमा केही दिन बसेर ह्वाइट हाउस फर्किहाले अनि कोरोनामुक्त पनि भइहाले ।

फेसबुकमा तपाईको प्रतिक्रिया

सवालनेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला।

फेसबुकमा तपाईको प्रतिक्रिया

Leave a Reply

Your email address will not be published. Required fields are marked *

सम्बन्धित शीर्षकहरु