मोदीले भने, ‘२०२१ को मन्त्र दबाई पनि, कडाई पनि’

भारतका प्रधानमन्त्री नरेन्द्र मोदीले बिहिबार कोरोनाभाइरसको विषयमा भारतले एकजुटताका साथ समयमा नै प्रभावकारी कदम उठाएका कारण आज भारत यस्तो राम्रो स्थितीमा हुन सकेको बताएका छन् ।

उनले कोरोनाबाट पीडित मानिसहरुललाई बचाउने भारतको रेकर्ड संसारको सबैभन्दा उत्कृष्ट भएको बताउँदै संक्रमणको मामिलामा पनि भारत अब लगातार ओरालो लागिरहेको बताएका छन् ।

मोदीले भिडियो कन्फरेन्सिङमार्फत् गुजरातको राजकोटमा एम्सको शिलान्यासको मौकामा सो कुरा भनेका हुन् । उनले भने, ‘वर्षको यो अन्तिम दिन भारतका लाखौं डाक्टर, स्वास्थ्यकर्मी, सरसफाईकर्मी र अन्य फ्रन्ट लाइन कोरोना वारियर्सलाई याद गर्दै छु । उनीहरुले मानवताको रक्षाका लागि लगातार आफ्नो जीवन दाउमा लगाइरहेका छन् ।’

मोदीले ६ वर्षमा १० नयाँ एक्समा काम सुरु भइसकेको जसमध्ये थुप्रैले अहिले काम पनि गर्न थालिसकेको बताए । प्रधानमन्त्रीले कोरोनाको विषयमा भने, ‘मैले अहिलेसम्म भन्दै आएको थिएँ कि जबसम्म दबाई छैन तबसम्म ढिलाई छैन अब फेरि भनिरहेको छु कि दबाई पनि कडाई पनि ।’

https://twitter.com/AHindinews/status/1344535189385428992?ref_src=twsrc%5Etfw%7Ctwcamp%5Etweetembed%7Ctwterm%5E1344535189385428992%7Ctwgr%5E%7Ctwcon%5Es1_&ref_url=https%3A%2F%2Fwww.ratopati.com%2Fstory%2F161332%2F2020%2F12%2F31%2Fmodi-statement-on-corona-virus