करीना कपूर र सैफ अली खानका छोरा तैमूरले सारा बलिउडलाई लट्ठ बनाएका छन् ।

अभिनेत्री र नर्तकी नोरा फतेहीले त एक कदम अघि बढेर तैमूरसँग बिहे मन लागेको भनिदिइन् ।

करीनाको शो ह्वाट विमेन वान्ट नामक शोमा नोरा पुगेकी थिइन् । सैफलाई नोराको डान्स मुभ मन परेको करीनाले सुनाइन् ।

त्यसपछि नोराले भनिन्, ‘तैमूर छिटो ठूलो होऊन् अनि सैफले मेरो र तैमूरको बिहेको बारेमा सोचे हुन्छ ।’

करीनाले जवाफ दिइन्, ‘ऊ जम्मा चार वर्षको छ । ठूलो हुन धेरै वर्ष लाग्छ ।’

अनि नोराले हाँस्दै ‘केही छैन, म प्रतीक्षा गर्छु’ भनिन् ।

तैमूर अली खान जन्मेदेखि नै फ्यान फलोइङ राम्रो छ । सामाजिक सञ्जालमा उनी छाएका छन् । उनका तस्वीरहरू भाइरल भइरहेका हुन्छन् ।

करीनाको अर्को सन्तान पनि हुन लागेको छ ।

प्रतिक्रिया

सम्बन्धित खवर

ताजा समाचार

लोकप्रिय