प्रधानमन्त्री शेरबहादुर देउवाले बुधबार दिउँसो ३ बजेर ४२ मिनेटमा पदभार ग्रहण गरेका छन् ।
बुधबारै राष्ट्रपति विद्यादेवी भण्डारीद्वारा सपथग्रहण गरेका प्रधानमन्त्री देउवाले दुईवटा निर्णयमा हस्ताक्षर गरी पदभार ग्रहण गरेका हुन् ।
देउवाले प्रधानमन्त्रीको कार्यालय सिंहदरबारमा अन्तरप्रदेश सचिवालय गठन गर्ने र सदाचार नीतिको मस्यौदा तयार गरी प्रधानमन्त्री कार्यालयमा पेश गर्ने सम्बन्धी दुईवटा निर्णयमा हस्ताक्षर गरेका हुन् ।
चौथोपटक मुलुकको सर्वोच्च कार्यकारी भएका देउवा मंगलबार प्रधानमन्त्री निर्वाचित भएका हुन् ।
यसैगरि नवनिर्वाचित देउवाले मन्त्रिपरिषद् विस्तार गरेका छन् ।
शितल निवासमा आयोजित विशेष कार्यक्रममा उपप्रधानमन्त्री र मन्त्रीहरूलाई राष्ट्रपति विद्यादेवी भण्डारीले शपथग्रहण गराएकी हुन् ।
प्रधानमन्नी शेरबहादुर देउवाको मन्त्रिमण्डलमा उपप्रधानमन्त्रीको रुपमा विजय कुमार गच्छदार, कृण्णबहादुर महरा र गोपालमान श्रेष्ठले शपथ लिएका छन् । उपप्रधानमन्त्रीका रुपमा गच्छदारले संघीय मामिला तथा स्थानीय विकासमन्त्रीका रुपमा शपथ लिएका छन् ।
त्यस्तै गोपालमानले उपप्रधानसहित शिक्षा मन्त्रालय सम्हालेका छन् । माओवादी नेता कृष्णबहादुर महराले उपप्रधानसहित परराष्ट्र मन्त्रालय सम्हालेका छन् ।
त्यस्तै प्रधानमन्त्री देउवाको मन्त्रिपरिषद्मा ज्ञानेन्द्र कार्कीले अर्थ मन्त्री, जनार्दन शर्माले गृहमन्त्री, फरमूल्ला मनसुरले श्रम मन्त्रीको रूपमा शपथ लिएका छन् । त्यस्तै माओवादी नेता प्रभु शाहले विना विभागिय मन्त्रीको रुपमा शपथ लिएका छन् ।
–
