अमेरिकी सुरक्षा निकायका प्रमुखहरूले देशमा आन्तरिक आतङ्कवादको जोखिम रहेको भन्दै एउटा चेतावनी दिएका छन्।

उनीहरूले त्यस्तो जोखिम गत नोभेम्बरमा भएको राष्ट्रपति निर्वाचनको नतिजासँग असन्तुष्ट व्यक्तिहरूबाट रहेको जनाएका हुन्।

डिपार्टमेन्ट अफ होमल्यान्ड सेक्यूरिटीले अमेरिकी संसद् भवनमा ज्यानुअरी ६ मा निवर्तमान राष्ट्रपति डोनल्ड ट्रम्पका समर्थकहरूबाट भएको आक्रमणले केही अतिवादीहरूलाई आत्मबल दिएको आकलन गरेको छ।

उसले जारी गरेको एउटा सूचनामा “सरकारी निकायका कामबाट निराश भएका व्यक्तिहरूबाट” त्यस्तो जोखिम रहेको उल्लेख छ।

१०० दिनभित्र बाइडनले गर्ने मुख्य काम यस्ता छन्
पद सम्हाल्नेबित्तिकै बाइडनले उल्ट्याए ट्रम्पका यी नीति

सरकारले सर्वसाधारणलाई त्यसरी सजग गराउने सूचना झन्डै एक वर्षको अन्तरालमा जारी गरेको हो।
सूचनामा के छ?

तर उक्त सूचनामा त्यस्तो कुनै ठोस योजनाको जानकारी भने नभएको बताइएको छ।

बुधवार जारी गरिएको एड्भाइजरीमा सफलतापूर्वक सम्पन्न राष्ट्रपतीय कार्यकालको उद्घाटन समारोहको “केही सातासम्म” त्यस्तो जोखिम रहन सक्ने जनाइएको छ।
“सूचनाहरूले सुझाएअनुसार केही विचारहरूद्वारा निर्देशित हिंसक अतिवादीले सरकारले गरिरहेका काम र राष्ट्रपति फेरिनुअघिको अवस्थामा असहमति जनाउँदै गलत व्याख्यामा आधारित आफ्ना गुनासाले हिंसा गर्न वा उक्साइरहन सक्छन्।”

निर्वाचित प्रतिनिधिहरू वा सरकारी सम्पत्तिमाथि ती “स्वदेशी अतिवादीहरूको” निसाना हुनसक्ने पनि सूचनामा उल्लेख छ।
के हो पृष्ठभूमि?

सामाजिक सञ्जाल साइट टेलिग्राममा थुप्रै दक्षिणपन्थी समूहहरूले क्यापिटल भवनका आक्रमणकारीहरूलाई “स्वतन्त्रता पक्षधर योद्धा” र “नायक” को सङ्ज्ञा दिएका छन्।

अमेरिकामा भएको घटनाको सर्वत्र निन्दा, ट्रम्पको ट्विटर र फेसबुक खाता बन्द
ह्वाइट हाउस छोडेपछि ट्रम्पले भने, ‘हामी फर्किनेछौँ’
जाँदाजाँदै ट्रम्पले दिए दर्जनौँ व्यक्तिलाई क्षमादान, तीमध्ये पूर्वसहयोगी पनि

फेसबुक र ट्विटरमा त्यस्ता समूहहरूलाई प्रतिबन्ध लगाएपछि उनीहरूले टेलिग्राम प्रयोग गर्न थालेका हुन्।

त्यहाँ उनीहरूको संवादमा षड्यन्त्र र डोनल्ड ट्रम्पको समर्थनका विषयहरू पनि पर्छन्।
भिडिओ क्याप्शन सुरु हुँदैछ,

६ ज्यानुअरीमा ट्रम्प समर्थकहरूले अमेरिका संसद्‌मा हङ्गामा गरेका थिए।

“त्यहाँ धेरैले इतिहासका आधारभूत तथ्य र पछिल्ला दिनका घटनाक्रमलाई अस्वीकार गरेर हिंसालाई प्रोत्साहन दिइएको पाइन्छ,” बीबीसी संवाददाता रेगन मोरिस भन्छन्।

“थुप्रै पोस्टहरू ट्रम्पका वास्तविक अनुयायीका छन् जो अझै उनी अमेरिकी राष्ट्रपति हुनुपर्ने ठान्छन्।”

अभियोजनकर्ताहरूका अनुसार क्यापिटल भवनको उपद्रोलाई जोडेर अहिलेसम्म ४०० सन्दिग्ध व्यक्तिको पहिचान भएको छ भने १३५ जनालाई पक्राउ गरिसकिएको छ।

प्रतिक्रिया

सम्बन्धित खवर