प्रचण्ड–नेपाल नेतृत्वको नेपाल कम्युनिस्ट पार्टी (नेकपा) का नेता तथा पूर्वमन्त्री गोकर्ण विष्टले अहिलेको विशेष परिस्थितिमा देश र जनताप्रति जिम्मेवार भएर अघि बढ्न सबैमा अपिल गरेका छन्।सर्वोच्च अदालतले प्रतिनिधिसभा पुनःस्थापना गरेको भोलिपल्ट आज बुधबार बिहान ट्विटरमार्फत उनले विगतबाट पाठ सिकेर अघि बढ्न सम्बन्धित सबैलाई अनुरोध गरेका हुन्।उनले ट्विट गरेका छन्, ‘सम्मानित अदालतको फैसलापछिको राजनीतिक परिस्थितिलाई देश, जनता र लोकतन्त्रको हितमा केन्द्रित गर्न विगतबाट पाठ सिक्दै संयमित एवं परिपक्व निर्णयका साथ अगाडि बढौं।’